發新話題
打印

nov 14 2010 東方日報 寵壞你:李逸朗講起「女友」冧到入心

nov 14 2010 東方日報 寵壞你:李逸朗講起「女友」冧到入心

李逸朗(Don)家中飼養三隻小貓,每隻貓咪都嗲聲嗲氣又愛搗蛋,Don提及家中三隻「愛貓」即眉飛色舞,更視愛貓如「男朋友」和「女朋友」般看待!

Don近期長駐內地拍攝電視劇,每次均逗留逾兩個月,但一有時間返港,他定必九秒九趕回家看看三隻小貓,Don表示:「我三隻貓叫白白、虎虎同鼻鼻,其實我喺內地拍劇嘅時候都好掛住佢哋架,好彩屋企人每日都會上嚟幫我餵貓同換貓沙,等我可以專心啲拍劇!」Don指三隻貓咪性格各有不同,但共通點就係愛撒嬌,Don冧爆表示:「佢哋好黐我架,每次返到屋企都會係咁跟住我,仲會爭住同我同床共枕添!」

乜都玩一餐
不過三隻貓都有頑皮的時候,最喜歡咬紙巾及玩膠袋,令Don對牠們又愛又恨,Don表示:「貓真係好得意,屋企嘅日用品都可以成為佢哋嘅玩具,好似紙巾同膠袋,佢哋最鍾意夾份咬爛啲廁紙,又鍾意捐入膠袋堶悸情A破壞力好驚人架,有時真係畀佢哋激到我紮紮跳!」

與貓傾心事
感情仍交白卷的Don自爆視三隻小貓是自己的男、女朋友,他笑言:「係呀,我平時一支公好少出街,喺屋企就捉住同佢哋傾心事,真係當正佢哋係自己嘅男、女朋友咁架!」

娛圈多貓癡
娛圈中,像李逸朗一般的愛貓藝人亦有不少,當中包括兩代「玉女」周慧敏(Vivian)及梁詠琪(GiGi),而胡杏兒亦是「貓癡」一名。



早已當愛貓係男女朋友的Don,一提起牠們就會笑逐顏開。



虎虎


鼻鼻


白白


Don的愛貓好鍾意挨在Don膊頭處瞓覺。
以誠信、客觀公正、公平、公開為先!^^

TOP

發新話題